eldígoras.com

Premio Valle–Inclán 2007

A Xunta de Goberno desta Deputación Provincial na súa sesión ordinaria do día 2 de febreiro de 2007, adoptou, entre outros, o seguinte acordo:

PREMIO VALLE-INCLÁN 2007

A Deputación de Pontevedra, en colaboración co Concello de Vilanova de Arousa, dentro das súas múltiples actividades no eido da cultura, convoca a cuarta edición do Premio "Valle-Inclán" que, atendendo ás disposicións do regulamento correspondente, se rexerá polas seguintes

BASES

1.- A convocatoria é para estudos que versen e profundicen en calquera aspecto da vida ou da obra de Valle-Inclán dende un punto de vista cientifico.

2.- O premio estará dotado coa cantidade de vinte e catro mil euros (24.000,00 €) que se achegará con cargo á partida 07/451.451.481.01 do orzamento provincial. O xurado poderá decidir deixalo deserto ou ben conceder cantos accésits considere con esta contía global.

3.- Os traballos deberán ter as seguintes características:

• Ser orixinais e inéditos.
• Deberán estar redactados en calquera das linguas oficiais da Comunidade Autónoma de Galicia.
• Presentaranse cinco exemplares mecanografados a dobre espazo.

A presentación poderá facerse baixo lema ou pseudónimo, neste caso achegarase a correspondente identificación do autor nun sobre aparte.

4.- A presentación das solicitudes por parte dos candidatos farase no rexistro xeral desta Deputación a partir do día seguinte ó da publicación desta convocatoria no Boletín Oficial da provincia (BOP) ata o día 31 de xullo de 2007, aceptando os interesados as condicións establecidas na mesma.

Rematado este prazo, a Secretaría Xeral da Deputación expedirá unha certificación das propostas presentadas que se lle entregará ó xurado xunto coa documentación correspondente.

A cada solicitude ou proposta xuntaránselle cantos documentos se consideren de interese para un mellor coñecemento de cada un dos candidatos.

5.- Para adxudicar o premio ó que se refire esta convocatoria constituirase un xurado integrado polos seguintes membros:

• Presidente:
  Presidente da Deputación ou deputado en quen delegue.
• Vogais:
  - Alcalde-presidente do concello de Vilanova de Arousa.
  - Presidente da Comisión de Cultura.
  - Un representante de cada un dos seguintes organismos:
  1. Consellería de Cultura e Deporte.
  2. Consello da Cultura Galega.
  3. Fundación Valle-Inclán.
• Tres persoas nomeadas pola Presidencia de recoñecido prestixio intelectual e académico. Secretario: O titular da Corporación ou funcionario en quen delegue.

Este xurado non poderá constituírse nin actuar sen contar coa asistencia de máis da metade dos seus membros e resolverá todas as incidencias que se presenten, as súas decisións serán inapelables e poderá, así mesmo, solicitar a axuda de asesores especialistas na materia.

6.- O xurado analizará os traballos presentados con liberdade de criterios, valorando, especialmente, aqueles aspectos que supoñan unha contribución ó estudo da vida e a obra de Valle-Inclán ou a súa relación con Galicia.

Da decisión do xurado e da adxudicación do premio redactarase unha acta detallada que, asinada por tódolos membros do devandito xurado, pasará a coñecemento do presidente da Deputación de Pontevedra, ou o órgano competente en quen delegue, para prestarlle a súa conformidade.

7.- A entrega do premio realizarase no lugar e a data que determine o presidente da Deputación, nun acto solemne e coa asistencia dos membros do xurado, así como de personalidades das artes e as letras.

Xunto co premio, o/a galardoado/a recibirá un diploma e unha copia da acta da reunión do xurado.

8.- Durante o prazo dun ano, a partir da emisión do fallo do xurado, a Deputación promoverá a publicación do traballo premiado.

Os traballos que non resulten galardoados poderán retirarse no Servizo de Cultura desta Deputación, no prazo de tres meses, contados desde a data da resolución do concurso, pasados os cales quedará exenta a responsabilidade das devolucións non solicitadas.

Pontevedra, 7 de febreiro de 2007

http://www.depontevedra.es/?1,12809