Sección que irá creciendo durante los próximos días con la actualización de antiguas secciones y nuevos contenidos: http://www.eldigoras.com/txp/
La Mancomunidá Cabu Peñes, na que s'inxerten los conceyos de Carreño y Gozón , per aciu del so Serviciu de Normalización Llingüística convoca una primer edición del primer Certame de Videu Promocional en Llingua Asturiana Mancomunidá Cabu Peñes .
El concursu inxértase dientro d'un programa de promoción turística y d'una manera tresversal en P rograma de Normalización del usu del Asturianu de la Mancomunidá Cabu Peñes.
Premiu: va dase un únicu premiu de 950 € (suxetu a les correspondientes retenciones fiscales)
Ye oxetu del concursu'l facer un videu publicitariu en Llingua Asturiana, con llargor d'unos tres minutos y dando-y puxu al potencial turísticu de los Conceyos de Carreño y Gozón y recoyendo un saludu y/o presentación de la propia Mancomunidá y del Serviciu de Normalización Llingüística. El concursu va tener dos estayes:
>>> presentación d'un proyectu (hasta'l 28 setiembre 2007, de llunes a vienres): los trabayos van desendolcase a nivel de concursu d'idees y la carpeta del proyectu ha de contener un resume, tratamientu, guión, la propuesta estética del trabayu asina como equipu técnicu, currículu de la persona física o productora y plazu aproximáu pa facer el trabayu (siempre dientro de les feches del concursu).Va poder axuntase material adicional en soporte CD o DVD asina como cuanta información valga pa la meyor evaluación y valoración del mesmu.
La entrega de la documentación pue facese en mano (nes oficines de la Mancomunidá con señes: C/Braulio Busto, 2 - 2 u , 33430 Candás - Carreño; tfnu. 985872421, n'horariu d'atención al públicu de 9:00 a 14:00 hores), por persona interpuesta, o per corréu certificáu y con acuse recibu (paquete postal exprés), en tal casu tien de remitise per fax al n u 985 87 25 22, dientru'l plazu presentación, el resguardu del mentáu unviu.
Ha presentase nuna carpeta o sobre (col títulu: "Primer Certame de Videu Promocional en Llingua Asturiana de la Mancomunidá Cabu Peñes"), axuntando sobre zarráu col nome, apellíos, señes, teléfonu y títulu del trabayu asina como'l nomatu que tamién tien que figurar na carpeta o sobre nos que se va presentar el proyectu.
Pa más información pue consultar llamando al Serviciu de Normalización Llingüística de la Mancomunidá n'horariu de 10:00 a 14:00 hores y nos tfnos. 985884844 (martes y xueves) y 985883532 (llunes, miércoles y vienres). Nos meses de xunetu y agostu los díes de consultan sedrán del 1 al 18 de xunetu y del 1 al 12 d'agostu (de llunes a vienres) o per corréu electrónicu a la dirección: mmcp.llingua@asturnet.es.
Nos siguientes 10 díes el xuráu valorará'l proyectu meyor y a daráse anuncia al ganador nesos díes, que nun van poder perpasar el día 8 d'ochobre de 2007.
>>> presentación del videu yá fechu (hasta'l 5 d'avientu): n'escoyendo'l proyectu ganador, la persona física o productora tien d'asumir el compromisu d'apurrir nel plazu d'unos dos meses (hasta'l 5 d'avientu) el trabayu fináu, y tres la presentación del trabayu fadráse efectivu'l premiu económicu.El videu del proyectu ganador tien que presentase en soporte videu y el máster en formatu DVCAM o MINIDV.
Les BASES del CONCURSU puen consultase na páxina web de la Mancomunidá Cabu Peñes: www.faronorte.org.
1 - ENTIDÁ QUE CONVOCA
Ye entidá que convoca esti concursu la Mancomunidá Cabu Peñes y trátase d'una actuación subvencionada pola Conseyería de Cultura, Comunicación Social y Turismu del Principáu d'Asturies.
2 - OXETIVOS DEL CONCURSU
Ye oxetu del concursu'l facer un videu publicitariu en Llingua Asturiana y qu'amuese'l potencial turísticu de los Conceyos de Carreño y Gozón.
Condiciones Técniques : El videu y el proyectu van editase en Llingua Asturiana con un llargor d'unos tres minutos y dando-y puxu al potencial turísticu de los Conceyos de Carreño y Gozón y recoyendo un saludu y/o presentación de la propia Mancomunidá y del Serviciu de Normalización Llingüística.
3 - FINANCIACIÓN DEL CONCURSU
El concursu va financiase con cargu a la partida correspondiente del presupuestu prorrogáu vixente, esistiendo consignación presupuestaria al respectu, en base a la subvención concedida pola Conseyería de Cultura, Comunicación social y Turismu.
4 - PAGU DEL PREMIU
Va facese n'executando'l proyectu del videu ganador del concursu con tolos conceptos que se puean derivar de la mentada execución y previa conformidá de la Responsable del Serviciu de Normalización d'esta entidá.
5 - PROGRAMA DEL CONCURSU
Va atendese a lo dispuesto nes cláusules 2ª y 9ª d'esti pliegu de condiciones
6 - GRAU DEL CONCURSU
Va desendolcase a nivel de concursu d'idees y execución de proyectu y va ser públicu.
7 - CAPACIDÁ PA CONCURSAR
Tán capacitaes pa concursar persones de cualesquier nacionalidá, de forma individual o colectiva, pudiendo presentar cada persona o colectivu una propuesta al concursu como máximo.
8 - EL XURÁU
8.1 - Ésti va constituíse nel plazu de 10 díes naturales dende que se tienen presentaos los trabayos siempre que l'últimu día nun coincida con sábadu o festivu; en tal casu va posponese pal primer día siguiente hábil. (La fecha tope d'axudicación va ser: 8 d'ochobre de 2007)
8.2 - Composición :
Sr. Presidente de la Mancomunidá Cabu Peñes o miembru nel que delegue.
Vocales:
• una persona en representación de la Oficina de Política Llingüística del Principáu d'Asturies
• dos persones rellaciones col entornu artísticu del mundu del cine y/o medios audiovisuales asina como persones al rodiu l'Asturianu: profesores, académicos, filólogos, escritores etc.
• la responsable del Serviciu de Normalización Llingüística de la Mancomunidá Cabu Peñes.
El xuráu va contar, amás, con un secretariu/a con voz pero ensin votu, que va tener como misión recibir y custodiar los trabayos, llevantar acta de tola actuación del xuráu, y aquelles otres que la llei 30/1992, reformada pola llei 4/1999 de 13 de xineru, del Réxime Xurídicu de les Alministraciones Publiques y del Procedimientu Alministrativu Común, prevé pa los secretarios de los órganos colexaos y que-y sían d'aplicación, recayendo na Secretaria de la Mancomunidá Cabu Peñes o persona na que delegue.
8.3 - Funciones del xuráu :
• L'almisión definitiva de los trabayos
• El xuráu, previu esame de la documentación presentada polos concursantes y de les propuestes d'éstos, tres les resoluciones afayadices, va proceder a la resolución axeitada causada de manera aparente.
• Les decisiones y alcuerdos del xuráu van ser firmes, inapellables y nun van podese retrucar. El xuráu va adoptar los sos alcuerdos por mayoría simple de los votos amosaos polos miembros del mesmu y que tean presentes. En casu d'empate decidirá'l votu de calidá del Presidente. Sedrá preciso la presencia de la metá más ún de los miembros del xuráu y del secretariu-a.
De tolos aconceyamientos que celebre'l xuráu, va estendese l'acta correspondiente que van roblar el Presidente y el/ la Secretariu-a
• El Xuráu ta tien la facultá pa interpretar toa clase de cuestiones que surdan y que nun tean regulaes nestes bases, y les resoluciones qu'adopte van gozar de la presunción de llegalidá y tarán d'acordies col conteníu d'estes bases.
Pa meyor xuiciu van poder requerise los asesoramientos que se xulguen oportunos nes resoluciones y, a títulu informativu, ensin más requisitu que'l de xunir estos informes al acta de la sesión que se trate.
9 - NIVEL, CONTENÍU Y PRESENTACIÓN
9. 1 - Los trabayos van desendolcase a nivel de concursu d'idees y la carpeta del proyectu ha de contener un resume, tratamientu, guión, la propuesta estética del trabayu asina como equipu técnicu, currículu de la persona física o productora y plazu aproximáu pa facer el trabayu (siempre dientro de les feches del concursu)
Va poder axuntase material adicional en soporte CD o DVD asina como cuanta información valga pa la meyor evaluación y valoración del mesmu.
La fecha tope pa entregar esti material sedrá'l 28 setiembre de 2007 a les 14:00 hores.
Nos siguientes 10 díes el xuráu valorará'l proyectu meyor y a daráse anuncia al ganador nesos díes, que nun van poder perpasar el día 8 d'ochobre de 2007.
9.2 - En escoyendo'l proyectu ganador, la persona física o productora tien d'asumir el compromisu d'apurrir nel plazu d'unos dos meses (hasta'l 5 d'avientu) el trabayu fináu, y tres la presentación del trabayu fadráse efectivu'l premiu económicu.
El videu del proyectu ganador tien que presentase en soporte videu y el máster en formatu DVCAM o MINIDV.
9.3 - La entrega de la documentación pue facese en mano (nes oficines de la Mancomunidá con señes: C/Braulio Busto, 2 - 2 u , 33430 Candás - Carreño; tfnu. 985872421, n'horariu d'atención al públicu de 9:00 a 14:00 hores), por persona interpuesta, o per corréu certificáu y con acuse recibu (paquete postal exprés), en tal casu tien de remitise per fax al n u 985 87 25 22, dientro del plazu presentación, el resguardu del mentáu unviu.
Ha presentase nuna carpeta o sobre (col títulu: "Primer Certame de Videu Promocional en Llingua Asturiana de la Mancomunidá Cabu Peñes" na parte d'alantre del sobre) axuntando sobre zarráu col nome, apellíos, señes, teléfonu y títulu del trabayu asina como'l nomatu que tamién tien que figurar na carpeta o sobre nos que se va presentar el proyectu.
Pa más información pue consultar llamando al Serviciu de Normalización Llingüística de la Mancomunidá n'horariu de 10:00 a 14:00 hores y nos tfnos. 985884844 (martes y xueves) y 985883532 (llunes, miércoles y vienres). Nos meses de xunetu y agostu los díes de consultan sedrán del 1 al 18 de xunetu y del 1 al 12 d'agostu (de llunes a vienres) o per corréu electrónicu a la dirección: mmcp.llingua@asturnet.es.
Les BASES del CONCURSU puen consultase na páxina web de la Mancomunidá Cabu Peñes: www.faronorte.org .
9.4 - Enantes la resolución, el Xuráu va analizar el conteníu de les propuestes presentaes desaniciando les que nun sigan les bases del concursu, lo que va tar razonao, llevantándose l'acta que correspuenda.
9.5 - El fallu del xuráu va facese por mayoría simple de los sos miembros. Tien de ser razonáu y tar basáu en dalgunu de los criterios que vienen darréu:
• Orixinalidá y creatividá y la so rellación col potencial turísticu de los Conceyos de Carreño y Gozón.
• El bon usu de la Llingua Asturiana y la orixinalidá de los testos o comentarios emplegaos.
• Les referencies a particularidaes de los conceyos: "el nun vender más de lo mesmo".
• Idees complementaries a la propuesta.
El fallu del concursu va ser públicu y espardíu ente los que participen y los medios de comunicación afayadizos, y va resolvese, como máximo, el 8 d'ochobre 2007.
10 - PREMIOS
Va dase un únicu premiu de 950 € (suxetu a les correspondientes retenciones fiscales) en recibiendo'l material yá fecho. Na mentada cantidá tien d'incluíse la execución del proyectu ganador (entrega del videu) y tolos conceptos que puen derivase de la mesma.
El ganador del proyectu, persona física o productora, asume'l compromisu d'apurrir, nel plazu de dos meses, tando como fecha tope'l 5 d'avientu de 2007, el trabayu fináu y tres la presentación del mesmu y la so conformidá pola persona que correspuenda.
Si al xuráu-y paez aparente'l concursu podrá quedar ermu según la calidá de los trabayos presentaos.
Aceptar el premiu acarria dafechu l'autorización a los organizadores (Mancomunidá Cabu Peñes) pa emplegar públicamente'l so nome ya imaxe, perdiendo'l derechu a gociar de premiu en casu negase.
El ganador tien de garantizar tar en posesión de los derechos d'esplotación de tolos elementos que conformen el videu
11 - DERECHOS DE PROPIEDÁ
Les idees representaes na documentación ellaborada polos concursantes, son, en tou casu, de la so propiedá intelectual.
12 - DEVOLUCIÓN DE LOS TRABAYOS
Los trabayos premiaos van poder retirase sía personalmente polos autores o por delegación escrita na Secretaría del concursu nel términu de los trenta díes siguientes a la resolución del mesmu.
Eldígoras recomienda consultar las bases oficiales de cada premio.
Eldígoras no asume ninguna responsabilidad derivada de los datos publicados, que se ofrecen como un servicio más del portal, sin otro interés que el de apoyar toda actividad cultural. Siempre que es posible se ofrecen datos para el acceso a las convocatorias originales.
| Sobre Eldígoras | Mapa del sitio | Accesibilidad | Política de privacidad | Aviso Legal | Contacto | © 2001 Fco. Javier Cubero | 